ഈ-കോമേഴ്സ് കമ്പനിയായ ഫ്ലിപ്പ്കാർട്ട്, റീ-കോമേഴ്സ് കമ്പനിയായ യന്ത്ര (Yaantra) യുമായി ചേർന്നാണ് ഈ പദ്ധതി. ഇപ്പോൾ തന്നെ പഴയ സ്മാർട്ട്ഫോണുകൾ സർവീസ് ചെയ്തു വിലകുറച്ചു വിൽകുന്ന സംവിധാനം (Refurbished) ഫ്ലിപ്പ്കാർട്ടിലുണ്ട്. എന്നാൽ ഉപയോഗിച്ച സ്മാർട്ട്ഫോണുകൾ വ്യാപകമായി ഉപയോക്തക്കളോട് വാങ്ങാനാണ് കമ്പനി ലക്ഷ്യമിടുന്നത്.
ഈ പദ്ധതി വിജയമായാൽ, മറ്റു വസ്തുക്കളും 'സെൽ-ബാക്ക്' പദ്ധതിയിൽ ഉൾപ്പെടുത്തും.
ഫ്ലിപ്പ്കാർട്ട് സെൽ ബാക്ക് പ്രോഗ്രാം മൊബൈൽ ആപ്പിൽ ലഭ്യമാക്കും.
വിൽപനക്കാർക്ക് അവരുടെ സ്മാർട്ട്‌ഫോണിന്റെ മൂല്യത്തിന് ഇ-വൗച്ചർ (e-Voucher) നൽകും. ഈ വൗച്ചർ ഉപയോഗിച്ച് , ഫ്ലിപ്പ്കാർട്ട് വഴി സാധനങ്ങൾ വാങ്ങാം.
ലോകമെമ്പാടും 125 ദശലക്ഷം ഉപയോഗിച്ച സ്‌മാർട്ട്‌ഫോണുകളിൽ 20 ദശലക്ഷം ഫോണുകൾ ഇന്ത്യയിൽ വിറ്റഴിക്കപ്പെടുന്നതായി ഐഡിസി
International Data Corporation -IDC
സർവേയിൽ കണ്ടെത്തിയിരുന്നു.
1,500-ലധികം പിൻ കോഡുകളുടെ അടിസ്ഥാനത്തിൽ, പ്രധാന ഇന്ത്യൻ നഗരങ്ങളിൽ ഇത് ലഭിക്കും.
ഫ്ലിപ്കാർട്ടിന്റെ സെൽ ബാക്ക് എല്ലാ സ്മാർട്ട്ഫോണുകൾക്കും ബാധകമായിരിക്കും - ഫ്ലിപ്പ്കാർട്ടിൽ നിന്നോ മറ്റെവിടെ നിന്ന് വാങ്ങിയാലും. ഉപഭോക്താക്കൾ അവരുടെ ഉപയോഗിച്ച സ്മാർട്ട്ഫോണുകൾ ഫ്ലിപ്പ്കാർട്ടിൽ വിൽക്കുമ്പോൾ, ഇ-വൗച്ചർ ലഭിക്കും.
കമ്പനി മൂന്ന് ലളിതമായ ചോദ്യങ്ങൾക്കുള്ള ഉത്തരങ്ങളെ അടിസ്ഥാനമാക്കി ഉപഭോക്താക്കൾക്ക് അവരുടെ സ്മാർട്ട്ഫോണിന് ഒരു മൂല്യം കണക്കാക്കും. തിരിച്ചു വാങ്ങുന്ന വില ഉപഭോക്താവ് അംഗീകരിച്ചാൽ ഫ്ലിപ്പ്കാർട്ട് എക്സിക്യൂട്ടീവുകൾ 48 മണിക്കൂറിനുള്ളിൽ സ്മാർട്ട്ഫോൺ എടുക്കുമെന്ന് ഫ്ലിപ്പ്കാർട്ട് അറിയിക്കുന്നു.