ഗുളികയുടെ രൂപത്തിൽ വരുന്ന ക്യാമറ, ഗുളിക പോലെ തന്നെ കഴിക്കാം. ഇതിലെ വയർലെസ് ക്യാമറ നിങ്ങളുടെ ദഹനനാളത്തിന്റെ ചിത്രങ്ങൾ എടുക്കുന്നു. ഈ പ്രക്രിയയാണ് ക്യാപ്‌സ്യൂൾ എൻഡോസ്കോപ്പി.
നിങ്ങളുടെ ദഹനനാളത്തിലൂടെ സഞ്ചരിക്കുന്ന ക്യാമറ ആയിരക്കണക്കിന് ചിത്രങ്ങൾ എടുക്കുന്നു, അത് നിങ്ങളുടെ അരയിൽ ബെൽറ്റിൽ ധരിക്കുന്ന ഒരു റെക്കോർഡറിലേക്ക് അയക്കുകയും ചെയ്യന്നു.
സ്കോട്ട്ലൻഡിലെ നാഷണല്‍ ഹെല്‍ത് സര്‍വീസാണ് ആമാശയ ക്യാന്‍സറുള്ള 2000 ലധികം രോഗികളെ, പിൽക്യാം ഉപയോഗിച്ച് ടെസ്റ്റുചെയ്തിരിക്കുന്നത്.
ക്യാപ്‌സ്യൂൾ എൻഡോസ്കോപ്പിയിലൂടെ നിങ്ങളുടെ ചെറുകുടലിന്റെ പ്രശ്നങ്ങൾ കണ്ട് വിലയിരുത്താൻ ഡോക്ടർമാർക്ക് കഴിയുന്നു .
സാധാരണ എൻഡോസ്കോപ്പിയിൽ വീഡിയോ ക്യാമറ ഘടിപ്പിച്ച നീളമേറിയ ട്യൂബ് തൊണ്ടയിലൂടെയോ മലാശയത്തിലൂടെയോ കടത്തിവിട്ടാണല്ലോ ചെയ്യുന്നത്.
പിൽക്യാം ക്യാമറ ഒറ്റത്തവണ മാത്രം ഉപയോഗിക്കാവുന്ന ടൈപ്പാണ്. പിൽക്യാം വിസർജ്യത്തിൽ വെളിയിൽ വരും. ടോയ്‌ലറ്റിൽ ഫ്ലഷ് ചെയ്തു കളയുകയും ചെയ്യാം.
ക്യാം രോഗിയുടെ ദഹന പ്രക്രിയ നടക്കുന്ന മേഖലകളിലൂടെ സഞ്ചരിക്കുന്നു. സെക്കന്‍ഡില്‍ രണ്ടു മുതല്‍ അഞ്ചു ഫ്രെയിം വരെയാണ് പില്‍ക്യാം ഷൂട്ടു ചെയ്യുന്നത്. ഒരു രോഗിയുടെ ഉദരത്തിലൂടെ സഞ്ചരിച്ച് ഏകദേശം 50,000 ചിത്രങ്ങളാണ് ഷൂട്ടു ചെയ്യുക. പില്‍ക്യാമിന് സ്വയം പ്രകാശിക്കാനുള്ള കഴിവും ഉണ്ട്. എടുക്കുന്ന ചിത്രങ്ങള്‍ വയര്‍ലെസായി രോഗിയുടെ അരയില്‍ പിടിപ്പിച്ചിരിക്കുന്ന ഉപകരണത്തിലേക്ക് എത്തുന്നു. ഡോക്ടര്‍മാര്‍ ലഭിച്ച ഫോട്ടോകള്‍ വിശകലനം ചെയ്യുന്നു.
ഇതേക്കുറിച്ച് കോളൻ ക്യാപ്‌സ്യൂൾ എൻഡോസ്കോപ്പിയുടെ കൺസൾട്ടന്റും കൊളോറെക്ടൽ സർജനുമായ ( colorectal surgeon )
പ്രൊഫസർ ആംഗസ് വാട്‌സൺ ( Professor Angus Watson ) പറയുന്നത് ഇങ്ങനെ:
"ആവേശകരവും വേഗതയേറിയതും ഫലപ്രദവുമായ ഈ ഡയഗ്നോസ്റ്റിക് നടപടിക്രമാണിത്. പരമ്പരാഗതമായി, എൻഡോസ്കോപ്പി പരിശോധനയ്ക്ക് വിധേയരാവുന്ന രോഗികൾക്ക് മയക്കം ആവശ്യമായി വരും, ഇത് രോഗികളെ ഉത്കണ്ഠാകുലരായിരിക്കും. ഈ പരിശോധന വേദനയില്ലാത്തതാണ്, രോഗികളുടെ വയറുകഴുകൽ (Enema) ഇപ്പോഴും ആവശ്യമാണ്. എങ്കിലും അവർ ചെയ്യുന്നത് ക്യാപ്‌സ്യൂൾ വിഴുങ്ങുകയും ക്യാമറയെ ജോലി ചെയ്യാൻ അനുവദിക്കുകയും ചെയ്യുക എന്നതാണ്. കാൻസർ രോഗനിർണയത്തിലെ ഈ മുന്നേറ്റം സ്കോട്ട്ലൻഡിലെ ജനങ്ങൾക്ക് ഒരു മികച്ച വാർത്തയാണ് "