ആൻഡ്രോയിഡിലെ സുരക്ഷയും സ്വകാര്യതയും വർദ്ധിപ്പിക്കുന്നതിനുള്ള ഭാഗമായി, ഉപയോക്താക്കൾക്ക് കോൾ റെക്കോർഡിംഗ് ഫീച്ചറുകൾ വാഗ്ദാനം ചെയ്യുന്നതിൽ നിന്ന് അപ്ലിക്കേഷനുകളെ തടയാൻ ഗൂഗിൾ കർശനമായ നടപടികൾ കൈക്കൊള്ളുന്നു.
കോൾ റെക്കോർഡിംഗ് നിർത്തുന്നതിനുള്ള ഡെവലപ്പർ നയങ്ങൾ ഗൂഗിൾ അപ്ഡേറ്റ് ചെയ്തിട്ടുണ്ട് . ഗൂഗിളിന്റെ പുതിയ പ്ലേ സ്റ്റോർ നയങ്ങളിൽ കോളുകൾ റെക്കോർഡ് ചെയ്യാൻ ഒരു ആപ്പിനെയും അനുവദിക്കില്ല.
ആൻഡ്രോയിഡിലെ കോൾ റെക്കോർഡിംഗ് നിർത്താൻ ഗൂഗിൾ കുറച്ചു നാളായി ശ്രമിക്കുന്നു.
• ആൻഡ്രോയിഡ് 6-ൽ തത്സമയ കോൾ റെക്കോർഡിംഗ് തടഞ്ഞിരുന്നു.
• ആൻഡ്രോയിഡ് 10-ൽ, മൈക്രോഫോണിലൂടെയുള്ള ഇൻ-കോൾ ഓഡിയോ റെക്കോർഡിംഗ് ഗൂഗിൾ നീക്കം ചെയ്തു.
• എന്നിരുന്നാലും, ആൻഡ്രോയിഡ് 10-ലും അതിനു മുകളിലും പ്രവർത്തിക്കുന്ന ഉപകരണങ്ങളിൽ കോൾ റെക്കോർഡിംഗ് ചെയ്യാൻ ചില ആപ്പുകൾ ആൻഡ്രോയിഡിലുള്ള പഴുതുകൾ (loophole) ഉപയോഗപെടുത്തുന്നുണ്ട്.
"ആക്സസിബിലിറ്റി API രൂപകൽപ്പന ചെയ്തിട്ടില്ല, റിമോട്ട് കോൾ ഓഡിയോ റെക്കോർഡിംഗിനായി അഭ്യർത്ഥിക്കാൻ കഴിയില്ല," എന്ന് അപ്ഡേറ്റ് ചെയ്ത പ്ലേസ്റ്റോർ നയങ്ങളിൽ നിന്നുള്ള പറയുന്നുണ്ട്.
റെക്കോർഡിംഗ് API-യിലേക്കുള്ള ആക്‌സസ് ഇല്ലാതെ, ആപ്പുകൾക്ക് കോൾ റെക്കോർഡിംഗ് നേറ്റീവ് ആയി നൽകാൻ കഴിയില്ല. ഇത് ഐഫോണിന് സമാനമായിരിക്കും.
മെയ് 11 മുതൽ പ്രാബല്യത്തിൽ വരുന്ന മാറ്റങ്ങൾ ഗൂഗിൾ വിശദീകരിക്കുന്നതിങ്ങനെ:
"വിവിധ രാജ്യങ്ങളിലെ കോൾ റെക്കോർഡിംഗ് നിയമങ്ങളാണ് കർശനമാണ്."
ഉദാഹരണത്തിന്, യുഎസിൽ, ഒരു കക്ഷിയുടെ സമ്മതത്തിനുശേഷം മാത്രമേ കോൾ റെക്കോർഡിംഗ് അനുവദിക്കൂ. ഖേദകരമെന്നു പറയട്ടെ, ഇന്ത്യയിൽ അങ്ങനെയൊരു നിയമം ഇല്ല, എന്നാൽ ഇതിനായുള്ള നിയമങ്ങൾ ഉടനെ പ്രാബല്യത്തിൽ വരാം എന്നും റിപ്പോർട്ടുണ്ട്.
ട്രൂകോളർ പോലുള്ള ആപ്പുകൾ നിലവിൽ ആൻഡ്രോയ്ഡിൽ കോൾ റെക്കോർഡിംഗ് ഫീച്ചർ വാഗ്ദാനം ചെയ്യുന്നുണ്ട്. ഇത് ആൻഡ്രോയ്ഡ് 10-നൊപ്പം ഗൂഗിൾ ഏർപ്പെടുത്തിയ നിയന്ത്രണങ്ങൾ മറികടക്കാൻ ഉപയോക്താക്കളെ അനുവദിക്കുന്നു. എന്നിരുന്നാലും പല രാജ്യങ്ങളിലും കാൾ റെക്കോർഡിംഗ് തടഞ്ഞിട്ടുണ്ടെന്നും, നിയമ പ്രശ്നങ്ങളുണ്ടാവാം എന്നും ട്രൂകോളർ മുന്നറിയിപ്പ് നൽകുന്നുണ്ട്.
പുതിയ കോൾ റെക്കോർഡിംഗ് നിയന്ത്രണങ്ങൾ ഏറ്റവും പുതിയ ആൻഡ്രോയിഡ് 12-പവർ ഫോണുകളിൽ മാത്രമാണോ അവതരിപ്പിക്കുക, അതോ ആൻഡ്രോയിഡ് 10, ആൻഡ്രോയിഡ് 11 ഉപകരണങ്ങളും ഉൾപ്പെടുത്തുമോ എന്ന് വ്യക്തമല്ല.