ഒറ്റ ചാർജിൽ 7 മാസം സഞ്ചരിക്കാം; സോളാർ കാർ വിപണിയിലേക്ക് എന്ന വാർത്ത കേൾക്കുമ്പോൾ ഇന്ധന വിലകൊണ്ട് പൊറുതി മുട്ടിയ വായനകാരൻ്റെ മനസിലുളള ചിത്രം ഇതാകും!!
സൗരോർജം കൊണ്ട് സഞ്ചരിക്കുന്ന കാറുമായി നെതർലൻഡ്സ് ആസ്ഥാനമായുള്ള സോളാര്‍ ഇലക്ട്രിക് വെഹിക്കിള്‍ സ്റ്റാര്‍ട്ടപ്പ് കമ്പനി ലൈറ്റ്ഇയർ. ലൈറ്റ്ഇയർ 0 (Lightyear 0) എന്ന് പേരിട്ടിരിക്കുന്ന ലോകത്തിലെ ആദ്യ പ്രൊഡക്ഷൻ റെഡി സോളാർ കാർ ഈ വർഷം ഡിസംബറിനുള്ളിൽ വിപണിയിലെത്തും. 263,000 യുഎസ് ഡോളര്‍ (ഏകദേശം 2.08 കോടി രൂപ) ആണ് കാറിന്റെ വില.
വിലകേട്ട് ഞെട്ടിയാലും, ഭാവിയിൽ ഈ സാങ്കേതിക വിദ്യയുടെ ചുവടു പിടിച്ചു, ചെറുകാറുകളിലും മറ്റു, താങ്ങാനാവുന്ന വിലയിൽ കാറുകൾ ലഭ്യമാകാം എന്നു പ്രതീക്ഷിക്കാം.
വാഹനം ഇപ്പോൾ ബുക്ക് ചെയ്താൽ നവംബർ മുതൽ വിതരണം ആരംഭിക്കും,
നാലുപേർക്ക് സഞ്ചരിക്കാവുന്ന ഈ കാറിന് ദിവസവും 70 കിലോമീറ്റർ സൗരോർജത്തിൽ മാത്രം സഞ്ചരിക്കാനാവും. ദിവസവും 35 കിലോമീറ്റർ സഞ്ചരിക്കുന്ന ഒരാൾക്ക് വാഹനം 7 മാസത്തിൽ ഒരിക്കൽ മാത്രം ചാർജ് ചെയ്താൽ മതിയെന്നും ലൈറ്റ് ഇയർ പറയുന്നു.
കാറിൻ്റെ പ്രത്യേകതകൾ:
സോളാറിനൊപ്പം സാധാരണ ഇലക്ട്രിക് കാറുകളെപ്പോലെ ചാര്‍ജ് ചെയ്തും ലൈറ്റ്ഇയര്‍ 0 ഉപയോഗിക്കാം.
ഒരു പ്രാവശ്യം ചാർജ് ചെയ്താൽ 624 കി.മീ ഓടാം!!.
കാറിന് മുകളിലാണ് സോളാര്‍ പാനലിന്റെ സ്ഥാനം. അഞ്ച് സ്ക്വയർ മീറ്റർ സോളാർ പാനൽ വർഷത്തിൽ 11,000 കിലോമീറ്റർ വരെ സഞ്ചരിക്കാനുള്ള ചാർജ് ഉണ്ടാക്കാൻ സാധിക്കും.
60 കിലോവാട്ട് ബാറ്ററിയും 175 ബിഎച്ച്പി കരുത്തുള്ള ഇലക്ട്രിക് മോട്ടോറുകളുമാണ് വാഹനത്തിന്.
10 സെക്കന്‍ഡുകൊണ്ട് കാറിന് 100 കി.മീ വേഗത കൈവരിക്കാനാവും.
മണിക്കൂറില്‍ 160 കിലോമീറ്റര്‍ ആണ് ഉയര്‍ന്ന വേഗത.