2022 ജൂൺ മാസം മുതല്‍ ഈ സൗകര്യങ്ങള്‍ നിര്‍ത്തലാക്കുകയാണ് ഫെയ്സ്ബുക്ക്.
നിയര്‍ബൈ ഫ്രണ്ട്‌സ്
ഫോണിൽ ലൊക്കേഷൻ ഓണാക്കി വെച്ചാൽ ഉപഭോക്താക്കള്‍ നില്‍ക്കുന്ന സ്ഥലത്തിന് സമീപത്തുള്ള സുഹൃത്തുക്കളെ കണ്ടെത്തുന്നതിനും അവരെ ബന്ധപ്പെടുന്നതിനുമായി ഒരുക്കിയ ഫീച്ചറാണ് 'നിയര്‍ബൈ ഫ്രണ്ട്‌സ്'.
വെതര്‍ അലേര്‍ട്ട്‌സ്
ഫോണിൽ ലൊക്കേഷൻ ഓണാക്കി വെച്ചാൽ, ചുറ്റുവട്ടത്തുള്ള കാലാവസ്ഥാ നോട്ടിഫിക്കേഷനാണ് നിർത്തുന്നത്.
ലൊക്കേഷന്‍ ഹിസ്റ്ററി
ഉപഭോക്താവിന്റെ ലൊക്കേഷന്‍ അടിസ്ഥാനമാക്കിയുള്ള സൗകര്യങ്ങളാണ് ഫെയ്സ്ബുക്ക് നിര്‍ത്തലാക്കുക.
ഈ തീരുമാനത്തിനു പിറകിലെ കാരണം എന്താണെന്ന് ഫെയ്സ്ബുക്ക് വ്യക്തമാക്കിയിട്ടില്ല.
ഉപഭോക്താക്കളില്‍ നിന്നുള്ള വിവരശേഖരണം പരിമിതപ്പെടുത്താനുള്ള നീക്കത്തിന്റെഭാഗമായാണ് തീരുമാനം എന്നാണ് പറയപ്പെടുന്നത്. ഉപഭോക്തൃ വിവരശേഖരണവുമായി ബന്ധപ്പെട്ട് വിവിധ രാജ്യങ്ങളില്‍ നിന്ന് കടുത്ത വിമര്‍ശനം നേരിടേണ്ടി വന്നതിനാലാവണം ഈ നീക്കം.
ഈ ഫീച്ചറുകള്‍ക്ക് വേണ്ടി ഫെയ്‌സ്ബുക്കിന്റെ സെര്‍വറില്‍ സൂക്ഷിച്ചിരിക്കുന്ന വിവരങ്ങള്‍ നീക്കം ചെയ്യുമെന്ന് കമ്പനി വ്യക്തമാക്കിയിട്ടുണ്ട്.
2022 ഓഗസ്റ്റ് ഒന്ന് വരെ, ഉപയോക്താവിനു ഫെയ്സ്ബുക്ക് ശേഖരിച്ച ലൊക്കേഷന്‍ ഡേറ്റ ഉപഭോക്താക്കള്‍ക്ക് ഡൗണ്‍ലോഡ് ചെയ്‌തെടുക്കാന്‍ സാധിക്കും. ഈ തീയ്യതിക്ക്‌ശേഷം ഡാറ്റയെല്ലാം സ്ഥിരമായി നീക്കം ചെയ്യപ്പെടും.