സർക്കാർ ഉടമസ്ഥതയിലുള്ള ടെലികോം സ്ഥാപനമായ ഭാരത് സഞ്ചാർ നിഗം ലിമിറ്റഡ് (BSNL) രാജ്യ വ്യാപകമായി വൈ-ഫൈ കോളിങ് (VoWiFi) സേവനം ആരംഭിച്ചു.
സ്വകാര്യ ടെലികോം കമ്പനികളുമായുള്ള മത്സരത്തില് മുൻതൂക്കം നേടുന്നതിനും ഉപഭോക്തൃ സേവനം മെച്ചപ്പെടുത്തുന്നതിനുമാണിത്.
മൊബൈല് നെറ്റ്വർക്ക് സിഗ്നല് ദുർബലമോ ലഭ്യമല്ലാത്തതോ ആയ ഇടങ്ങളില് - കെട്ടിടങ്ങള്ക്കുള്ളില്, ബേസ്മെന്റുകളില്, ഗ്രാമീണ പ്രദേശങ്ങളില് - വൈ-ഫൈ നെറ്റ്വർക്ക് ഉപയോഗിച്ച് ശബ്ദ കോളുകളും എസ് എം എസ് സേവനവും ഉപയോഗിക്കാൻ പുതിയ സംവിധാനത്തിലൂടെ സാധിക്കും.
ഉപഭോക്താക്കള്ക്ക് അധിക ആപ്പുകള് ഇൻസ്റ്റാള് ചെയ്യേണ്ടതില്ല. നിലവിലുള്ള മൊബൈല് നമ്പറും ഫോണ് ഡയലറും ഉപയോഗിച്ചു തന്നെ സേവനം ലഭ്യമാകും. അധിക നിരക്കുകളില്ല. ഈ സൗകര്യം ഇൻഡോർ കോളുകളുടെ ഗുണനിലവാരം കാര്യമായി മെച്ചപ്പെടുത്തുമെന്നാണ് പ്രതീക്ഷ.
ബി.എസ്.എൻ.എല് നടപ്പിലാക്കുന്ന വിപുലമായ നെറ്റ്വർക്ക് നവീകരണ പദ്ധതികളുടെ ഭാഗമാണ് വൈ-ഫൈ കോളിങ് സേവനം. സ്വദേശീയ സാങ്കേതിക വിദ്യ ഉപയോഗിച്ചുള്ള 4G വിപുലീകരണവും 5G സേവനങ്ങള്ക്കുള്ള തയ്യാറെടുപ്പുകളും പുരോഗമിക്കുകയാണ്.
Wi-Fi Calling എന്താണ്?
മൊബൈല് ടവർ സിഗ്നല് ഇല്ലെങ്കിലും അല്ലെങ്കില് ദുർബലമായാലും, Wi-Fi / ബ്രോഡ്ബാൻഡ് ഇന്റർനെറ്റ് ഉപയോഗിച്ച് സാധാരണ ഫോണ് കോളുകള് ചെയ്യാനുള്ള സൗകര്യമാണിത്.
നിങ്ങളുടെ അതേ മൊബൈല് നമ്ബർ തന്നെയാണ് ഉപയോഗിക്കുന്നത്. ഫോണ് ഡയലർ വഴിയാണ് കോള് ചെയ്യുന്നത്. വാട്സ് ആപ്പ്, സ്കൈപ്പ് പോലുള്ള ആപ്പുകള് ആവശ്യമില്ല.
ടവർ സിഗ്നല് ഇല്ലെങ്കില് പോലും Wi-Fi ഉണ്ടെങ്കില് കോളുകള് ലഭിക്കും. വേറെ പണം നല്കേണ്ടതില്ല. നിലവിലെ വോയിസ് പ്ലാനില് തന്നെ ഇത് ഉള്പ്പെടും. Wi-Fi Calling സൗകര്യമുള്ള ഫോണുകളില് Settings → Wi-Fi Calling → ON എന്ന് ആക്ടിവേറ്റ് ചെയ്താല് മതി.
Android ഫോണില് Wi-Fi Calling എങ്ങനെ ഓണ് ചെയ്യാം?
1️⃣ Settings തുറക്കുക
2️⃣ Network & Internet / Connections എന്നതില് പോകുക
3️⃣ SIM Cards / Mobile Network തിരഞ്ഞെടുക്കുക
4️⃣ നിങ്ങളുടെ BSNL SIM സെലക്ട് ചെയ്യുക
5️⃣ Wi-Fi Calling / VoWiFi → ON ചെയ്യുക
ചില ഫോണുകളില്:
Settings → Call Settings → Wi-Fi Calling എന്ന വഴിയും ഉണ്ടാകാം
iPhone-ല് Wi-Fi Calling എങ്ങനെ ഓണ് ചെയ്യാം?
1️⃣ Settings തുറക്കുക
2️⃣ Mobile Service / Cellular എന്നതില് പോകുക
3️⃣ Wi-Fi Calling തിരഞ്ഞെടുക്കുക
4️⃣ Turn On Wi-Fi Calling on This iPhone → ON
5️⃣ ആവശ്യപ്പെട്ടാല് അടിയന്തര വിലാസ (Emergency Address) വിവരങ്ങള് സ്ഥിരീകരിക്കുക
ശ്രദ്ധിക്കേണ്ട പ്രധാന കാര്യങ്ങള്
✅ നിങ്ങളുടെ ഫോണ് Wi-Fi Calling support ചെയ്യണം
✅ BSNL 4G SIM ആയിരിക്കണം
✅ നല്ല Wi-Fi / Broadband കണക്ഷൻ വേണം
✅ ചില പഴയ മോഡലുകളില് ഈ ഓപ്ഷൻ ലഭ്യമല്ല.
Wi-Fi Calling പ്രവർത്തിക്കുന്നുണ്ടെന്ന് എങ്ങനെ അറിയാം?കോളിനിടയില് സ്ക്രീനില് Wi-Fi Calling / VoWiFi എന്ന അടയാളം കാണും. നെറ്റ്വർക്ക് ബാറിനു പകരം Wi-Fi ഐക്കണ് കാണിച്ചേക്കാം.
