ഏറ്റവും പുതിയ റിപ്പോർട്ട് അനുസരിച്ച്, വാട്സ്ആപ്പിൽ മെസേജ് റിയാക്ഷൻ ഫീച്ചർ ചേർക്കാനും വാട്ട്‌സ്ആപ്പ് പദ്ധതിയിടുന്നു. ഈ ഫീച്ചർ ഇതിനകം ചില ഐഒഎസ് പതിപ്പിൽ വന്നിട്ടുണ്ട്.
ഈ ഫീച്ചർ ഇപ്പോൾ ആൻഡ്രോയ്ഡ് 2.21.20.8 ബീറ്റയിലും ലഭ്യമാണ്. ഫെയ്സ്ബുക്ക് പോസ്റ്റുകൾക്ക് ലൈക്കും റിയാക്ഷനുകളും നൽകാൻ കഴിയുന്നത് പോലെ വാട്സ്ആപ്പിൽ വരുന്ന സന്ദേശങ്ങൾക്കും ലൈക്കും റിയാക്ഷനുകളും നൽകാനുള്ള ഫീച്ചർ ആണ് ഇത്.
വ്യക്തിഗത ചാറ്റിലും ഗ്രൂപ്പ് ചാറ്റിലും ഈ ഫീച്ചർ ലഭ്യമാവും. വാട്ട്‌സ്ആപ്പിൽ സന്ദേശം ടാപ്പ് ചെയ്ത് പിടിച്ച് അതിൽ റിയാക്ഷൻ അറിയിക്കാവുന്ന തരത്തിലായിരിക്കും ഈ ഫീച്ചർ ഉൾപ്പെടുത്തുക. ഏത് സന്ദേശത്തോട് ആണോ ഇത്തരത്തിൽ പ്രതികരിക്കേണ്ടത് ആ സന്ദേശത്തിൽ ടാപ്പ് ചെയ്താൽ വിവിധ റിയാക്ഷനുകളുടെ ഇമോജികൾ പ്രത്യക്ഷപ്പെടും. അതിൽ ഒരു ഇമോജി തിരഞ്ഞെടുത്ത് പ്രതികരണം അറിയിക്കാൻ സാധിക്കും. ഈ ഫീച്ചറോടെ വാട്സ് ആപ്പിൽ ഗ്രൂപ്പ് ചർച്ചകൾ ചൂടുപിടിക്കും. ലൈക്ക് കൂടുതൽ ലഭിക്കാനുളള മൽസരം ഫെയ്സ്ബുക്ക് പോലെ വാട്സ്ആപ്പിൽ വരുമെന്ന് കരുതാം!!