ഈ നമ്പറിൽ വിളിച്ചാൽ മതി ആധാർ കാർഡ് പ്രശ്നങ്ങൾ പരിഹരിക്കാം!!
ഇനി ആധാറുമായി ബന്ധപ്പെട്ട എല്ലാ പ്രശ്നങ്ങളും ഒരു ഫോൺ കോളിൽ പരിഹരിക്കപ്പെടും. ഇതിനായി ഈ നമ്പറിൽ വിളിക്കണം. രാജ്യം സ്വതന്ത്രമായ വർഷമായതിനാൽ ഈ നമ്പർ ഓർത്തിരിക്കാനും വളരെ എളുപ്പമാണ്.
ആധാർ കാർഡ് ഉടമകൾക്ക് ആധാറുമായി ബന്ധപ്പെട്ട് നിരവധി തരത്തിലുള്ള പ്രശ്‌നങ്ങളുണ്ട്, അതിനുള്ള പരിഹാരത്തിനായി 1947 എന്ന നമ്പറിൽ ഡയൽ ചെയ്‌ത് നിങ്ങളുടെ എല്ലാ പ്രശ്നങ്ങളും പരിഹരിക്കാനാകും.
യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ ( UIDAI ) ഈ നമ്പറിനെക്കുറിച്ചുള്ള വിവരങ്ങൾ ട്വീറ്റ് ചെയ്തിരുന്നു.
ഹിന്ദി, ഇംഗ്ലീഷ്, തെലുങ്ക്, കന്നഡ, തമിഴ്, മലയാളം, പഞ്ചാബി, ഗുജറാത്തി, മറാത്തി, ഒറിയ, ബംഗാളി, ആസാമീസ്, ഉറുദു എന്നീ 13 ഭാഷകളിൽ ആധാർ ഹെൽപ്പ് ലൈൻ 1947 ലഭ്യമാണെന്ന് ട്വീറ്റിൽ പറയുന്നു.
ഈ 1947 നമ്പറിലേക്കുള്ള കോളുകൾ സൗജന്യമാണ് ( Toll Free ). ഇത് വർഷം മുഴുവനും Interactive Voice Response System ( IVRS ). മോഡിൽ ലഭ്യമാണ്. ഇത് ഗ്യാസ്‌ ബുക്കിംഗ് പോലെ വളരെ എളുപ്പത്തിൽ ചെയ്യാം!!. കൂടാതെ, നിങ്ങൾക്ക് നേരിട്ട് സംസാരിക്കണമെങ്കിൽ കോൾ സെന്റർ പ്രതിനിധികൾ രാവിലെ 7 മുതൽ രാത്രി 11 വരെ (തിങ്കൾ മുതൽ ശനി വരെ) ലഭ്യമാണ്. അതേ സമയം, ഞായറാഴ്ചകളിൽ രാവിലെ 8 മുതൽ വൈകിട്ട് 5 വരെ പ്രതിനിധികൾ ലഭ്യമാണ്.
ഈ ഹെൽപ്പ് ലൈൻ നമ്പർ ആളുകൾക്ക് ആധാർ എൻറോൾമെന്റ് സെന്ററുകൾ, എൻറോൾമെന്റിന് ശേഷമുള്ള ആധാർ നമ്പർ സ്റ്റാറ്റസ്, മറ്റ് ആധാറുമായി ബന്ധപ്പെട്ട വിവരങ്ങൾ എന്നിവ നൽകുന്നു. ഇതുകൂടാതെ, ആരുടെയെങ്കിലും ആധാർ കാർഡ് നഷ്‌ടപ്പെടുകയോ ഇതുവരെ തപാൽ വഴി ലഭിക്കാതിരിക്കുകയോ ചെയ്താൽ, ഈ സൗകര്യത്തിന്റെ സഹായത്തോടെ വിവരങ്ങൾ ലഭിക്കും.